Jemen atentat ne akademine e policise
Të paktën gjashtë persona janë vrarë në një atentat vetëvrasës në akademinë e policisë në kryeqytetin e Jemenit, Sana, kanë bërë të ditur autoritetet lokale.
Burime policore deklaruan se atentatori hodhi veten në erë kur ndodhej mes një turme kadetësh, të cilët po linin ambjentet e akademisë pasi kishin mbaruar mësimin.
Raportet paraprake flisnin për 20 të vdekur, por më vonë bilanci i viktimave u reduktua. Militantët islamikë kanë bërë thirrje për një valë atentatesh, si kundërsulm ndaj ofensivave të ushtrisë në bastionet e tyre.
Në maj, mbi 90 ushtarë u vranë kur një atentator vetëvrasës, i veshur me uniformë ushtarake, u hodh në erë gjatë një parade në Sana.
Ansar al Sharia, një degë e Al Kaedës në Gadishullin Arabik, deklaroi se kishte organizuar sulmin, më i rëndi që regjistrohej në vend që kur presidenti i ri Abdrabuh Mansour Hadi mori detyrën në muajin shkurt.
Grupi terrorist përfitoi nga mungesa e stabilitetit pas protestave popullore, që detyruan presidentin e mëparshëm Ali Abdullah Saleh që të largohej pas 32 vitesh në pushtet.
Pasi u bë president, zoti Hadi deklaroi se një nga detyrat kryesore të tij ishte vazhdimi i luftës ndaj Al Kaedës dhe udhëzoi ushtrinë që të rimerrte nën kontroll qytete të shumta në provincën jugore të Abjanit.
Burime policore deklaruan se atentatori hodhi veten në erë kur ndodhej mes një turme kadetësh, të cilët po linin ambjentet e akademisë pasi kishin mbaruar mësimin.
Raportet paraprake flisnin për 20 të vdekur, por më vonë bilanci i viktimave u reduktua. Militantët islamikë kanë bërë thirrje për një valë atentatesh, si kundërsulm ndaj ofensivave të ushtrisë në bastionet e tyre.
Në maj, mbi 90 ushtarë u vranë kur një atentator vetëvrasës, i veshur me uniformë ushtarake, u hodh në erë gjatë një parade në Sana.
Ansar al Sharia, një degë e Al Kaedës në Gadishullin Arabik, deklaroi se kishte organizuar sulmin, më i rëndi që regjistrohej në vend që kur presidenti i ri Abdrabuh Mansour Hadi mori detyrën në muajin shkurt.
Grupi terrorist përfitoi nga mungesa e stabilitetit pas protestave popullore, që detyruan presidentin e mëparshëm Ali Abdullah Saleh që të largohej pas 32 vitesh në pushtet.
Pasi u bë president, zoti Hadi deklaroi se një nga detyrat kryesore të tij ishte vazhdimi i luftës ndaj Al Kaedës dhe udhëzoi ushtrinë që të rimerrte nën kontroll qytete të shumta në provincën jugore të Abjanit.