Jennifer Lopez në gjendje të rënduar psikologjike, pas jetës personale “goditet” edhe profesioni
Jennifer Lopez ka përjetuar një vit të jashtëzakonshëm të vështirë, jo vetëm për shkak të ndarjes së bujshme nga Ben Affleck, por edhe për shkak të pengesave të shumta që ka hasur në industrinë e filmit. Aktorja dhe këngëtarja u përball me një tjetër goditje për egon e saj, duke u nominua si aktorja më e keqe për rolin e saj në filmin “Atlas” në ceremoninë e “Golden Raspberry Awards”.
Përveç kësaj, një burim i afërt me Lopez ka zbuluar se reagimi negativ i kritikëve ndaj filmit të saj autobiografik “This Is Me… Now” ka rënduar edhe më shumë gjendjen e saj. Ky film pati gjithashtu shitje të dobëta biletash dhe u detyrua të anulonte premierat, duke thelluar krizën e momentit për Jennifer Lopez.
Duke iu referuar këtyre sfidave të vështira, një burim i brendshëm ka treguar se Jennifer po e merr shumë keq këtë periudhë dhe viti i kaluar është shpallur si më i vështiri i jetës së saj. Në këtë kontekst, Lopez ka shprehur dëshirën të kalojë më shumë kohë me fëmijët e saj, duke u përpjekur të gjejë një balancë mes jetës personale dhe profesionale.
View this post on Instagram