Jep doreheqjen Ministri i Drejtesise

Ministri italian i Drejtesise, Clemente Mastella njoftoi dje perpara deputeteve doreheqjen e tij, cka rrezikon ta vere ne pozite te veshtire qeverine, pas vendosjes ne arrest shtepie te bashkeshortes se tij, e akuzuar per nje ceshtje korrupsioni. "Mes familjes dhe pushtetit, une zgjedh familjen", deklaroi Mastella ndersa njoftoi doreheqjen perpara Dhomes se deputeteve, pak pas daljes ne shtyp te informacioneve, sipas te cilave gruaja e tij, Sandra Leonardo, presidente e Keshillit rajonal te Kampanias (jug, rajoni i Napolit) ishte objekt i mases arrest shtepie.
Ministri eshte gjithashtu drejtues i Udeur, nje parti e vogel katolike e qendres se majte qe mori 1,40 te votave ne zgjedhjet e fundit legjislative te 2006 dhe qe ka tre senatore ne Dhomen e Larte, ku shumica e qeverise se Romano Prodit eshte shume e ngushte. Doreheqja e tij vjen ne momentin kur qe nga sot pritet vendimi i Gjykates Kushtetuese lidhur me nje reforme te ligjit zgjedhor, ndaj te cilit Mastella, 60 vjec eshte totalisht kunder. Ai kishte kercenuar se do te jepte doreheqjen ne rast se Keshilli do t'i hapte "driten e gjelber" kesaj reforme qe redukton peshen e partive te vogla.