Jepnin diploma false, prangosen ish-drejtoret e shkollave

Dy drejtues shkollash te mesme ne Prefekturen e Elbasanit kane rene nen prangat e policise. Operacioni i koduar “ Filtri” ka prangosur dy ish-drejtore ne Rrethin e Gramshit dhe ne qytetin e Elbasanit.

Te arrestuarit jane Bajram Kllogjeri 41 vjec, nga Gramshi, ish-drejtor ne shkollen e mesme Tunje dhe Gezim Skenderi, 47 vjec nga Elbasani, ish-drejtor i shkolles se mesme “Qemal Stafa” te qytetit te Elbasanit. Ata akuzohen per “shperdorim detyre” dhe “falsifikim te dokumenteve shkollore”.

Sipas akuzes, Skenderi ka leshuar vertetime te falsifikuara nga shkolla e mesme per disa shtetas, te cilat u kane sherbyer atyre per t’u regjistruar fiktivisht ne nje shkolle tjeter. Ne kete te fundit, edhe pse nuk kane frekuentuar asnje dite procesin mesimor, kane mundur te marrin diplomen e shkolles se mesme.

Specialistet e sektorit kunder krimit financiar po hetojne ende per dokumentimin e plote ligjor te aktivitetit, pasi dyshohet se mund te jene te perfshire dhe persona te tjere.