Jobe Bellingham te Dortmundi, ka nënshkruar deri në vitin 2030

Borussia Dortmund siguron një tjetër talent të familjes, Bellingham. Klubi i Bundesligës njoftoi sot nënshkrimin e mesfushorit Jobe Bellingham, 19 vjeç, nga skuadra e sapongjitur në Premier League, Sunderland. Lojtari anglez nën-21 vjeç nënshkroi një kontratë me Borussia Dortmund këtë pasdite deri më 30 qershor 2030.

Bellingham, i cili kaloi në radhët e të rinjve të Birmingham City dhe u transferua te Sunderland dy vjet më parë, ku ka bërë 90 paraqitje në ligë, do të fluturojë me BVB për në Shtetet e Bashkuara të premten për të marrë pjesë në Kupën e Botës për Klube FIFA. Ai do të mbajë numrin 77 gjatë turneut.