Johnson dhe Von der Leyen bien dakord: Bisedimet e BREXIT do të vijojnë

Negociatat mbi një marrëveshje të Brexit do të vazhdojnë, thanë Presidentja e Komisionit Evropian Ursula von der Leyen dhe Kryeministri i Mbretërisë së Bashkuar Boris Johnson. Dakordësia u arritur pasi dy liderët folën të Dielën.

Në një deklaratë të përbashkët, von der Leyen dhe Johnson thanë se kishin një telefonatë “të dobishme” në të cilën diskutuan “temat kryesore të pazgjidhura” të bisedimeve në lidhje me marrëdhëniet e ardhshme.

“Ekipet tona negociuese kanë punuar ditë e natë gjatë ditëve të fundit,” lexon deklarata. “Dhe megjithë rraskapitjen pas pothuajse një viti negociatash, pavarësisht nga fakti se afatet janë humbur pa pushim, ne mendojmë se është përgjegjëse në këtë pikë të ecim edhe një milje shtesë.”

Prandaj të dy udhëheqësit kërkuan nga negociatorët e tyre që të vazhdojnë bisedimet dhe të shohin “nëse mund të arrihet një marrëveshje edhe në këtë fazë të vonë”.

Më parë, këtë javë, von der Leyen dhe Johnson ranë dakord në një darkë pune në Bruksel që negociatat do të vazhdonin dhe një “vendim i vendosur” në lidhje me të ardhmen e bisedimeve duhet të merret deri të Dielën.

Sipas diplomatëve të BE, si peshkimi, ashtu edhe e ashtuquajtura fushë e barabartë për të shmangur konkurrencën e padrejtë, mbeten pikat kryesore në negociata.