Jorida Tabaku i drejtohet Ramës: 110 ditë protesta boll me arrogancë!
Deputetja e Partisë Demokratike, Jorida Tabaku, iu drejtua kryeministrit Edi Rama gjatë replikës së saj në Kuvend ditën e djeshme, duke iu referuar protestave të zhvilluara prej 110 ditësh dhe kërkesës së protestuesve për dorëheqjen e kryeministrit.
Tabaku i kërkoi Ramës të përballet me protestuesit dhe të dëgjojë kërkesat e tyre.
“Ke 110 ditë protestuesit te dera, provo njëherë të dalësh atje”, tha Tabaku.
Ajo shtoi se kërkesa që, sipas saj, po artikulohet nga qytetarët në protestë është dorëheqja e kryeministrit.