KIEV – I dërguari i Trump në Ukrainë e quan Zelensky “lider të guximshëm”

KIEV, 21 shkurt /ATSH-DPA/ – Keith Kellogg, i dërguari special i presidentit amerikan Donald Trump për Ukrainën, zbuti retorikën e ashpër të presidentit në deklaratat e bëra pas bisedimeve të tij me presidentin ukrainas, Volodymyr Zelensky.

“Një ditë e gjatë dhe intensive me lidershipin e lartë të Ukrainës”, shkroi Kellogg në X.

Ai i quajti diskutimet gjithëpërfshirëse dhe pozitive dhe iu referua Zelensky si udhëheqësi i luftuar dhe i guximshëm i një kombi në luftë.

Ai i përshkroi këshilltarët e Zelensky si një ekip të talentuar të sigurisë kombëtare.

Trump sulmoi Të mërkurën Zelensky, duke e quajtur atë “një diktator”.

Të martën, Trump tha se Zelensky nuk duhej ta kishte filluar kurrë luftën.

E hëna shënon tre vjet që kur presidenti rus Vladimir Putin pushtoi Ukrainën.

Kellogg mbërriti në Kiev të mërkurën. Ai zhvilloi bisedime me Zelensky dhe shefin e tij të shtabit, Andrii Yermak.

“Pala amerikane anuloi një konferencë për shtyp të planifikuar dje pasdite”, tha zëdhënësi i Zelensky për mediat ukrainase. Asnjë arsye nuk u dha. //a.i/