KIEV – Ukraina i kërkon Mongolisë të arrestojë Putinin

KIEV, 30 gusht /ATSH-ANSA/ – Ukraina i ka bërë thirrje Mongolisë që të arrestojë presidentin rus Vladimir Putin kur ai të vizitojë vendin javën e ardhshme.

Mongolia është anëtare e Gjykatës Ndërkombëtare Penale (ICC), një organ që lëshoi ​​një urdhër arresti për liderin rus.

“Pala ukrainase shpreson që qeveria e Mongolisë është e vetëdijshme për faktin se Vladimir Putin është një kriminel lufte”, theksoi ministria e Jashtme e Kievit.

“Ne u bëjmë thirrje autoriteteve mongole që të ekzekutojnë urdhërarrestin detyrues ndërkombëtar”, shtoi Kievi zyrtar. /os/