Kacin propozon emrin “Maqedonia Jonë”

Në konferencën për Ballkanin Perëndimor që e organizoi Hungaria si kryesuese e radhës e BE-së, europarlamentari Jelko Kacin bëri thirrje për zgjidhje sa më të shpejtë të çështjes së emrit të Maqedonisë.

Kacin, i cili është nënkryetar i delegacionit parlamentar për Evropën juglindore, ka theksuar se kontesti rreth emrit e frenon integrimin evropian të Maqedonisë, dhe se nevojitet zgjidhje kompromisi për të ndërprerë bllokadën shumëvjeçare.

Kacin ka propozuar zgjidhje alternative me emrin “Maqedonia Jonë”.

Në rrethinë janë tre rajone që e mbajnë emrin e Maqedonisë. Emri “Maqedonia Jonë” i përjashton të gjitha pretendimet territoriale të IRJM-së së sotme ndaj këtyre rajoneve. Me këtë emër do të mund të jetonin të gjithë”, ka thënë Jelko Kacin.