Kandidatja Duka, nivel evropian per UT
Ish-dekania Valentina Duka ka paraqitur nje program teper ambicioz per Universitetin e Tiranes. Autonomia e universiteteve, implementimi i Kartes se Bolonjes dhe thellimi i punes shkencore jane disa nga prioritetet kryesore te kandidates per rektore ne UT, Valentina Duka. Ajo ka prezantuar menyren se si do te realizohet reforma arsimore sipas filozofise se Bolonjes. Sipas Dukes, stabilizimi i nivelit te pare te diplomes do te kryhet permes anketimit, analizes, vleresimit dhe percaktimit te sakte te titullit te diplomes se nivelit te pare, qe ne menyre masive perfundon kete vit, si dhe me ristrukturimin e kurrikules. Qarkullimi i buletinit Universitar do te jete nje veprim nga ana e kandidates per rektore nese do te jete e zgjedhura e studenteve. Ajo premton se brenda vitit te pare te mandatit, do te qarkulloje buletini i Universitetit, ne disa numra ne vit, ku do te botohen te gjitha vendimet kryesore te marra nga instancat kryesore te drejtimit te universitetit dhe nga dekanatet, ne menyre qe vendimmarrja si edhe administrimi universitar, te behet ne menyre krejt transparente. Po ashtu, nje vend te vecante ne program ka edhe pergatitja e nivelit te dyte te diplomes. Kjo, do te realizohet me ane te pergatitjeve te kurrikulave te diplomave te integruara te nivelit te dyte, per "Master te nivelit te pare" dhe "Master te nivelit te dyte" dhe per specializimet 2-4 vjecare ne sistemin e mjekesise dhe stomatologjise. Pike tjeter e programit te kandidates Duka eshte thellimi i marredhenieve nderuniversitare rajonale, krijimi i nje network-u rajonal, rritja e permasave profesionale te formimit universitar. Ekuilibrimi i raportit mesimdhenie-kerkim shkencor ne Universitet etj.
Prioritetet e prezantuara ne program
Aspekti mesimor:
Zbatimi i reformes arsimore sipas filozofise se Bolonjes
Stabilizimi i nivelit te pare te diplomes
Qarkullimi i buletinit Universitar
Pergatitja e nivelit te dyte te diplomes
Rritja e permasave profesionale te formimit universitar
Organizimi i panaireve cdo vit ne mjediset e Universitetit te Tiranes, ne bashkepunim me institucionet publike dhe boten e biznesit, per te lehtesuar futjen ne tregun e punes te studenteve te UT
Dixhitalizimi i informacionit per studentet (ID)
Krijimi i mjediseve sportive dhe te argetimit
Riorganizimi i kampionateve sportive universitare dhe krijimi i kushteve per inkurajimin e me te mireve
Permiresim i sherbimeve ndaj studenteve dhe publikut
nxitja e sistemit te ekselences, nepermjet bursave falas per te gjitha ciklet e shkollimit universitar, ne menyre qe te sherbejne si mekanizem nxites per perparimin e tyre
Aspekti shkencor-akademik
Ekuilibrimi i raportit mesimdhenie - kerkim shkencor ne Universitet
Krijimi dhe rigjallerimi i revistave shkencore
Zgjerimi i fondit per botimet akademike te librave dhe kerkimeve te pedagogeve te UT-se sipas frekuences cdo pedagog nje liber ne 3-4 vjet
Abonimi per cdo departament deri ne 5 revista shkencore, me te rendesishme ne gjuhe te huaj ose shqip
Krijimi i mundesive qe nga buxheti i cdo fakulteti te planifikohet nje fond 10 - 15 % per kerkimin shkencor
Perfshirja e studenteve doktorante ne projektet shkencore te drejtuar nga departamenti
Menaxhimi dhe infrastruktura
Fillimi i ndertimit te nje biblioteke universitare moderne, me fonde te hapura, te digjitalizuar, cka do t'i shtoje mundesite per krijimin e kushteve normale per gjetjen e informacionit pedagogjik e shkencor per studentet dhe profesoret
Sensibilizimi i opinionit publik dhe i strukturave shteterore per ndertime kapitale te tipit campus dhe microcampus per fakultetet e drejtesise, te shkencave sociale, gjuheve te huaja, etj.
Pasurimi dhe hapja e laboratoreve te rinj per departamentet e shkencave te natyres dhe mjekesise
Krijimi i nje sekretarie qendrore mesimore te informatizuar te lidhur ne rrjet me qendrat mesimore te fakulteteve.
Pasurimi dhe krijimi i sallave te mediatekes
Krijimi i kushteve fizike per pedagoget me zyra, internet 24 ore, biblioteke elektronike
Paketa e lehtesive per asistent-pedagoget e rinj deri ne mbarimin e doktoratures brenda dhe jashte vendit (nje fond per blerje librash, akses ne fondin e shkences, ulje e ngarkeses per te krijuar me shume kohe per studim), etj