Karlos Tevez refuzon ofertën nga Reali i Madridit

Mançester - Karlos Tevez mësohet të ketë refuzuar një ofertë prej 40 milionë eurosh nga Reali i Madridit. Lajmi bëhet i ditur nga “Daily Mail”, e cila thotë se shkak i refuzimit është dëshira e argjentinasit për të qëndruar në Premier Ligë.

“Karlos Tevez do të vendosë se ku do të luajë Karlos Tevez. Nuk bëhet fjalë për para, por ai dëshiron të jetë atje ku dëshiron të jetë edhe familja e tij”, deklaron Kia Joorabchian, i cili ka në pronësi shërbimet e argjentinasit.