Karta e Studentit, gati kete vit
Karta e studentit, do te jete gati brenda vitit akademik 2008- 2009. Premtimin e ka dhene Ministria e Arsimit dhe Shkences, pas nderhyrjeve te Konferences se Rektoreve per te zbatuar vendimin e qeverise, te dy viteve me pare. Aktualisht mesohet se MASH ka ngritur nje grup pune per hartimin e projektit per Karten e Studentit, nje dokument, permes te cilit studentet e arsimit publik dhe jopublik do te perfitojne sherbime me cmime te reduktuara. Sipas burimeve nga ky dikaster, grupi i punes po punon duke ndjekur shembujt me te mire te rajonit e Evropes dhe po percakton kriteret dhe procedurat per pergatitjen dhe leshimin e Kartes se studentit. Perfitimet e studenteve nga perdorimi i kartes se studentit do te perballohen nga fondet e parashikuara ne buxhetin e shtetit te MASH. qeveria Studentore rekomandon se duhet te negociohet me aktore te ndryshem publike e private, per t'u krijuar mundesine studenteve qe te kene avantazhe te ndryshme financiare, si per shembull ulje ne cmime, ne veprimtari te ndryshme, me ane te perdorimit te Kartes se Studentit. Zbatimi i kesaj karte konsiderohet nga qeveria Studentore si nje domosdoshmeri qe do te ndihmoje ne perfitimet qe do te kene studentet por edhe ne menyren se si universiteti menaxhohet. Per sa i perket menyres se menaxhimit ajo do te sherbeje ne identifikimin e studenteve dhe krijimin e bazave se te dhenave per ta. Ky dokument i miratuar dy vite me pare eshte nje hap drejt percaktimit te nje statusi me te privilegjuar te studentit ne shoqeri, ashtu sic ai trajtohet ne te gjitha shoqerite demokratike moderne. Referuar vendimit, Karta e Studentit leshohet per nje periudhe 1-vjecare, kundrejt nje cmimi prej 100 lekesh. Dokumenti i Kartes se Studentit do te jete i formatit ID1, i pajisur me elemente te sigurise dhe do te permbaje: Emrin, mbiemrin e studentit, datelindjen, universitetin, dega, viti, numri i serise se Kartes se Studentit; data e leshimit te Kartes se Studentit, periudha e vlefshmerise. Ndersa, pjesa e pasme e Kartes se Studentit do te kete te dhenat dhe logon e prodhuesit te Kartes se Studentit, si dhe numrin e serise te Kartes se Studentit. Studenti regjistrohet ne sekretarine e universitetit, ne fillim te vitit akademik, ploteson dhe depoziton formularin tip, i cili permban te dhena individuale per cdo student, fotografine dhe kerkesen per te pajisur me Karten e Studentit, shoqeruar me pagesen prej 100 lekesh. Nga ana e tyre, rektoratet e universiteteve, ne fillim te vitit akademik, paraqesin ne Ministrine e Turizmit, Kultures, Rinise dhe Sporteve, ne forme elektronike, listat me emrat e studenteve te regjistruar, qe do te pajisen me Karten e Studentit, si dhe te gjitha te dhenat qe kerkon kjo karte.