Katari: Vijojnë bisedimet për armëpushim mes Izraelit dhe Gazës
Bisedimet për një marrëveshje armëpushimi në Rripin e Gazës po vazhdojnë, konfirmoi sot Katari, i cili ka një rol ndërmjetësues midis Izraelit dhe Hamasit.
“Takimet po vazhdojnë midis dy palëve,” tha zëdhënësi i Ministrisë së Jashtme të Katarit, Majed al-Ansari, duke iu referuar bisedimeve midis negociatorëve kryesorë mbi detajet e një marrëveshjeje.
Për më shumë se një vit, Katari ka ndërmjetësuar me SHBA-në dhe Egjiptin në negociatat që synojnë arritjen e një marrëveshjeje armëpushimi në Gaza dhe lirimin e pengjeve që mbahen ende në enklavën palestineze pas sulmit të 7 tetorit 2023 nga Hamasi në Izrael.
“Shumë çështje janë në diskutim,” shtoi zëdhënësi i ministrisë së Jashtme të Katarit, i cili vuri në dukje se ai nuk dëshiron të hyjë në detaje “për të mbrojtur integritetin e negociatave”.
Negociatat indirekte rifilluan gjatë fundjavës në kryeqytetin e Katarit, Doha.
Raundi më i fundit i negociatave përfundoi pa sukses muajin e kaluar, me të dy palët që akuzuan njëra-tjetrën për bllokim të bisedimeve./vizionplus.tv