Këngët e veçanta për Norën

Nora Istrefi, e cila ka ka filluar karrierën e saj muzikore në moshën 18 vjeçare, tani është ndër këngëtaret më të dashura për publikun shqiptar. Këngët e saj i ka përfshirë në dy albume, “Opium” dhe “Engjëll”, të cilat janë bërë të suksesshme duke u shitur në Kosovë,  Shqipëri e diasporë.

Nga të gjitha këngët solo dhe bashkëpunimet e bëra ndër vite, Nora ka disa që i pëlqejnë më shumë. 
"Është shumë e vështirë të zgjedh këngën më të veçantë. Çdo këngë dhe bashkëpunim e kam shumë për zemër, por do të veçoja këngën më të fundit “Big love”, e cila është shume "trendy", këngën “Dy shokë”,  dhe  “Asnje zë”, e cila është në bashkëpunim me Mc Kreshën,'' ka thënë ajo për mediat shqiptare.

Duke folur për zhanrin e muzikës që e performon, këngëtarja ka thënë: ''Muzika ime është e kombinuar me pop, house, ose me rrymat më "trendy" të muzikës. Të gjitha trendet e muzikës në botë, kam dëshirë t’i sjellë në shqip dhe një pjesë prej tyre, janë realizuar nga unë." /Indeksonline/