Kërkoi ndryshim mase, Gjykata Kushtetuese shtyn vendimin për Berishën
Gjykata Kushtetuese ka shtyrë për ditët në vijim seancën për shqyrtimin e kërkesës së kreut demokrat Sali Berisha.
Ky i fundit ka kërkuar nga Gjykata Kushtetuse shpalljen e masës së sigurisë ndaj tij si antikushtetuese. Kreu demokrat kërkon shfuqizimin e masës “detyrim paraqitje” vendosur nga GJKKO në tetor të 2023-shit, pasi sipas tij, nuk u mor asnjë miratim nga Kuvendi, pasi ai mban statusin e deputetit.
Berisha prej dhjetorit të 2023-shit ndodhet në arrest shtëpie në lidhje me dosjen “Partizani”.
/rtsh.al/