Këshilla për vapën, flet mjeku kardiolog Valer Manushi

Temperaturat e larta vështirësojnë kushtet shëndetësore të personave që vuajnë nga zemra. Kardiologët, këshillojnë konsulta të vazhdueshme me mjekët në këtë stinë, pasi rritja e temperaturave duhet të shoqërohet me ndryshim të terapisë. Sipas kardiologut Valer Manushi, i nxehti është një risk i madh për këtë kategori pacientësh.
Kardiologu Manushi thotë se me rritjen e temperaturave rriten ndjeshëm edhe vizitat në konsultoren e zemrës. Kjo valë përfshin më shumë ata njerëz të cilët nuk respektojnë me rreptësi këshillat e mjekëve.
Sipas një studimi të disa muajve më parë nga Instituti i Shëndetëit Publik, sëmundjet e zemrës janë shkatari kryesor i vdekjeve në Shqipëri. Temperaturat e larta e shtojnë më tepër këtë risk.