Këshilli Bashkiak voton sot planin rregullues

Këshilli Bashkiak i Tiranës do të mblidhet sot pasdite për të diskutuar mbi disa projektvendime të rëndësishme për qytetarët e kryeqytetit. Një prej çështjeve është plani rregullues i Tiranës, temë e cila ka shkaktuar mjaft debate në të dyja kampet e politikës.
Ndaj pika më kryesore e debatit duket se do të jetë projektvendimi mbi planin rregullues të Tiranës, i cili sipas axhendës paraprake të Këshillit Bashkiak është vendosur në fund të rendit të ditës të mbledhjes së sotme.