Klosi: Transparenca e zgjedhjeve do te behet me ose pa Berishen, PS e vendosur

Partia Socialiste shprehu dje vendosmerine per transparencen e zgjedhjeve me ose pa Berishen. Deklarata erdhi nga deputeti i kesaj partie, Blendi Klosi, i cili permes nje komunikimi per mediat shprehu qendrimin e socialisteve ne mbeshtetje te dialogut ne tryezen e Presidentit per t'i dhene nje zgjidhje krizes se rende politike, me te cilen po perballet sot vendi. Ai tha se Partia Socialiste thekson me force qendrimin e saj se zgjidhja e krizes mund te arrihet vetem permes transparences se plote te zgjedhjeve cka thuhet shprehimisht edhe ne rezoluten e Asamblese Parlamentare te Keshillit te Evropes. "Hapja e kutive te votimit eshte nje element i domosdoshem per te hedhur drite mbi te verteten e ketyre zgjedhjeve dhe si e tille, ajo perben nje kerkese te panegociueshme te Partise Socialiste", deklaroi Klosi. Fatkeqesisht,vijoi ai, "Sali Berisha, njeriu qe eshte shkaktari kryesor i situates se veshtire ne te cilen ndodhet sot vendi, na provoi me po te njejten gjuhe te politikes se vjeter se atij i mungon vullneti per zgjidhjen e krizes qe ka mberthyer Shqiperine, e cila po paralizon jeten institucionale, po rrenon ekonomine dhe shtetin e se drejtes". Sipas tij, PS eshte e gatshme te dialogoje per te zbardhur te verteten e 28 qershorit, jo sepse kete e kerkon thjesht Partia Socialiste, por mbi te gjitha sepse kete e kerkojne shqiptaret. "Por Partia Socialiste eshte po ashtu e vendosur qe te beje transparencen e plote te zgjedhjeve me ose pa Sali Berishen, dhe kete hetim ai nuk e ndalon dot as me deshiren e tij e as me forcen e pushtetit", perfundoi fjalimin e tij, sekretari Organizativ i selise roze, Blendi Klosi.