Komisioneri Varhelyi takon Jorida Tabakun: Diskutuan hapat e ardhshëm të procesit të integrimit të Shqipërisë në BE
Komisioneri për Zgjerimin dhe Fqinjësinë e Mirë në BE, Oliver Varhelyi ka takuar deputeten e Partisë Demokratike, Jorida Tabaku. Integrimi i Shqipërisë në Bashkimin Evropian dhe projektet për mbështetjen në zgjedhjet vendore të 14 Majit, ishte kryefjalë e bisedës me Tabakut dhe Varhelyit.
“Pas vizitës sime të javës së fundit në Shqipëri, u takova me Jorida Tabaku. E përgëzova për punën e saj të përkushtuar si Kryetare e Komisionit për Çështjet e BE-së dhe Bashkëkryetar i Këshillit Kombëtar për Integrim në BE. Diskutuan hapat e ardhshëm të procesit të integrimit të Shqipërisë në BE Dhe projektet për të mbështetur Shqipërinë në ditën e zgjedhjeve”, shkruan Varhelyi në Twitter.
Deputetja demokrate ndodhet në Bruksel për mbledhjen e komisionit të jashtëm të PE, lidhur me raportin për Shqipërinë.
Po ashtu, Tabaku është takuar dhe me Presidentin e EPP, Manfred Weber, ku kanë biseduar për rolin e partive të djathta në rolin deçisiv në procesin e integrimit europian të Ballkanit Perëndimor dhe konkretisht, Shqipërisë.
“Falë mbështetjes, vizioni dhe orientimit të grupit të EPP vendi jonë ka mundur të avancojë në procesin e Integrimit Europian dhe kalojë sfidat. Nuk ka asnjë dyshim se e ardhmja e Shqipërisë sonë është Europa dhe sot i sigurova gjithashtu Weber se ky është dhe orientimi i Partisë Demokratike”, tha Tabaku.
/rtsh.al/