Konfindustria: Cmimet e referencave duhet te vazhdojne

Konfindustria, duke marre shkak nga shqetesimet e prodhuesve kryesore te vendit, tha dje se eshte teresisht kundra kerkesave te bera mediatike se fundmi per mosperdorimin e pergjithshem te cmimeve te referencave ne transaksionet tregtare, duke e konsideruar si nje mase, qe godet drejtperdrejt prodhimin vendor dhe ndihmon qartesisht grupet importuese. Gjergj Buxhuku, Administrator i pergjithshem i Konfindustria tha se referencat duhet domosdoshmerisht te perdoren ne vleresimet e importeve te prodhimeve perfundimtare te destinuara per konsumatoret/qytetare ne tregun e brendshem. “Prane Konfindustrise kane ardhur ne vazhdimesi mjaft ankesa nga industrite prodhuese per deklarime te faturave te prodhimeve nga kompani importuese nen vleren reale, qe si pasoje sjell konkurrence te pandershme ne treg duke goditur rende prodhimet vendore. Mbeshtetur ne te dhenat e mesiperme del, qe tashme sidomos pas fillimit te krizes globale jane edhe importet e kryera nga vendet e BE, qe kane probleme me vlerat e paraqitura ne doganat shqiptare”, - pohon z.Buxhuku. Nderkohe, qe per vendet joanetare te BE, dukuria e paraqitjes se faturave me cmimeve nen vleren reale te prodhimeve te importuara ka qene dhe eshte nje dukuri e zakonshme, cka e ben domosdoshmeri perdorimin e cmimeve te referencave ne vleresimin doganor. Konfindustria vlereson, se perdorimi profesional i cmimeve te references ne sistemin doganor per prodhimet perfundimtare te importit eshte nje nga masat e fundit, qe ka mbetur si mundesi ligjore per mbrojtjen e prodhimeve vendore ne te gjithe sektoret e ekonomise kombetare, qe prodhojne per tregun e brendshem. Ne rast te kundert, per Buxhukun, moszbatimi i referencave si menyre vleresimi krijon hapesira per abuzim ne favor te grupeve importuese, qe te mund te rrise ne menyre te padrejte fuqine konkurruese te prodhimeve te tyre ne dem te prodhimeve vendore.