Konfirmohet në detyrë Majlinda Miska, këshilltare ligjore

TIRANË, 24 qershor/ATSH/ Komisioni i Pavarur i Kualifikimit vendosi sot konfirmimin në detyrë të subjektit të rivlerësimit, Majlinda Miska, këshilltare ligjore pranë Gjykatës Administrative të Apelit, Tiranë.

Vendimi i arsyetuar me shkrim, nga trupi gjykues i kryesuar nga Olsi Komici, Brunilda Bekteshi relatore, Suela Zhegu anëtare do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.

Ky vendim, mund të ankimohet në Kolegjin e Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit.

Ankimi depozitohet në Komisionin e Pavarur të Kualifikimit.

/k.s/