Korçë, plagoset një person. U qëllua me armë në këmbë. Identifikohet autori
KORÇË– Një plagosje me armë zjarri është shënuar pak minuta më parë në qytetin e Korçës.
Ngjarja ka ndodhur në unazën e qytetit, ku një person dyshohet se është plagosur me armë zjarri. Sipas burimeve autori i dyshuar është identifikuar si Nikolin Tarusha. Dyshohet se autori dhe viktima janë kushërinj me njëri-tjetrin.
Policia e Korçës është nisur drejt vendit të ngjarjes, ndërsa rrethanat mbeten ende të paqarta. /abcnews.al