Kosova ndjek me interes zgjedhjet tona, Sejdiu: Koha e testimit të Shqipërisë

Prishtinë, 28 qershor, NOA Zgjedhjet në Shqipëri po ndiqen me mjaft interes edhe në Kosovë. Përveçse kryefjala e medieve vendase, ato janë edhe në qendër të deklaratave të politikanëve kosovarë.

Drejtuesit më të lartë të Kosovës në përgjithësi kanë theksuar rëndësinë e madhe që kanë për Shqipërinë dhe shqiptarët zgjedhjet e sotme parlamentare, pa treguar preferenca të caktuara për partitë politike në garë.
Nga ana e tij, mësohet se presidenti i Kosovës, Fatmir Sejdiu, ka deklaruar se ''zgjedhjet e 28 qershorit janë kohë e testimit të Shqipërisë në vlerat e demokracisë''.
''Shqipëria do të hyjë në një etapë të re të zhvillimeve edhe më dinamike, të progresit dhe kjo do të ndihmojë edhe në shkurtimin e rrugës për anëtarësim në Bashkimin Evropian'', deklaroi presidenti Sejdiu.
Sipas tij, këto zgjedhje 'një eveniment kyç dhe tepër i rëndësishëm për etapën e re të zhvillimit të Republikës së Shqipërisë'.
n.e/NOA