Kosovë, marrëveshjet e arritura në Bruksel nuk miratohen nga Kuvendi

Dy marrëveshjet e arritura më 8 shtator mes kryeministrit të Kosovës, Hashim Thaçi dhe atij të Serbisë, Ivica Daciç në Bruksel nuk pritet të shkojnë për votim  në Kuvendin e Kosovës.

Marrëveshjen për Telekomin dhe Energjinë i ka miratuar të mërkurën kabineti qeveritar në formën e vendimeve.

Zëvendëskryeministrja Edita Tahiri ka shpjeguar se dy marrëveshjet në fjalë nëse është e nevojshme apo nëse kërkohet, mund të procedohen në Kuvend, por ato janë produkte të marrëveshjes së ratifikuar më parë në Kuvend, përkatësisht vijnë nga dialogu teknik mes Kosovës dhe Serbisë.