Krasniqi:Deputetët janë të lirë të veprojnë si të duan!

Jakup Krasniqi ka deklaruar se deputetët janë të lirë të veprojnë si të duan, dhe asgjë nuk mund t`ua imponojnë veprimet e tyre.
 

Këto komente Krasniqi i ka bërë në sajë të pretendimeve të partive në pushtet, se shkeljen e Kushtetutës e bënë deputetët e opozitës kur braktisën seancën e zgjedhjes së Pacollit president.
 

Krasniqi gjithashtu ka thënë se vendi nuk duhej të mbetej pa president, sepse Kushtetuta e përcakton se duhet të ketë një ushtrues detyre, prandaj është krijuar ky konfuzion i panevojshëm. Ai shpreson se sonte mund të gjendet formula për daljen e vendit nga kriza më e re politike.