Kremtohet Pashka – Besimtarët ndoqën meshën e Ngjalljes së Krishtit, lutje për paqe e mirësi

Kambanat e kishave kanë tingëlluar fort në momentin kur akrepat e orës shënuan ardhjen e ditës së re dhe simbolikisht Ringjalljen e Krishtit.

Mijëra besimtarë katolik dhe ortodoksë, kremtojnë Pashkën, si momenti më i rëndësishëm në kalendarin liturgjik.

Pashka ka nisur të festohen që në mesnatë, kur besimtarët e krishterë janë lutur për paqe dhe mirësi duke ndezur qirinjtë.

Pashka shënon ringjalljen e Jezu Krishtit pas kryqëzimit, ringjallje që simbolizon besimin te Zoti, shpresën për të gjithë besimtarët e krishterë.

Në të gjitha kishat katolike të vendit u mbajt mesha e shenjtë e vigjiljes të Pashkës me ritet përkatëse.

Në Katedralen e “Shën Palit” në kryeqytet nisi në orën 22:00 në mbrëmje.

Besimtarë të shumtë ndoqën meshën e shenjtë, e cila u drejtua nga kreu i Kishës Katolike në Shqipëri Imzot Arjan Dodaj.

Kremtimi mbahet në çdo kishë në vend.

 Në Tiranë, mesha kremtohet në Katedralen “Ngjallja e Krishtit”, nën drejtimin e Kryepeshkopit të Kishës Ortodokse, Fortlumturia e Tij, Imzot Joani.

Këtë vit besimtarët ortodoksë dhe katolikë e festojnë Pashkën në të njëjtën ditë. Një rastësi e tillë nuk ndodh shpesh, pasi kishat lindore dhe perëndimore përdorin kalendarë të ndryshëm (Julian dhe Gregorian), por këtë vit datat përputhen.

Ceremonitë e para ortodokse në Kishën e “Ngjalljes së Krishtit”, kanë filluar të Premten e Madhe në përkujtim të kryqëzimit të Jezu Krishtit ku besimtarë të shumtë u lutën për më shumë paqe, mirësi dhe begati, për më shumë dashuri mes njerëzve.

Një nga simbolikat është edhe lyerja e vezëve, ritual i cili nisi të enjten, pak ditë më parë.

/rtsh.al/