Kryeministri Berisha priti ambasadorin e Palestines ne Tirane z. Issam Massatha

Kryeministri Berisha priti sot ambasadorin e Palestines ne Tirane z. Issam Massatha me rastin e hapjes se ambasades dhe marrjes se detyres nga ana e tij.

Pasi i uroi perzemersisht mireseardhjen kryeministri Berisha i uroi suksese ne misionin e tij.

Ambasadori Issam Massatha e falenderoi perzemersisht per pritjen e ngrohte dhe miqesore dhe i percolli kryeministrit Berisha pershendetjet me te perzemerta te presidentit Mahmoud Abbas dhe kryeministrit te Palestines Ismail Henije dhe e falenderoi kryeministrin Berisha per perkrahjen dhe mbeshtetjen e vazhdueshme qe Shqiperia i ka dhene kombit palestinez si dhe per mbeshtetjen qe qeveria shqiptare i ka dhene misionit te Palestines ne Tirane.

Ambasadori Massatha vleresoi arritjet e medha dhe zhvillimet e jashtezakonshme qe Shqiperia ka bere gjate kesaj periudhe.

Ne takim u vleresua procesi i bashkebisedimeve midis pales palestineze dhe izraelite te nxitur dhe inkurajuar nga administrata e presidentit Obama dhe te mbeshtetur nga Komuniteti Nderkombetar dhe ku u ripohua shpresa per arritjen e nje zgjidhje sa me te shpejte si nje faktor kyc per paqen stabilitetin dhe sigurine ne rajonin e Lindjes se Mesme por edhe me gjere.