Kryeministri Berisha pret përfaqësuesit e Grupit izraelit D&N dhe Swisseuroconsult Office.
Kryeministri Berisha priti në një takim përfaqësuesin e Grupit izraelit D&N, zotin Nadav Barzilay Korem dhe përfaqësuesin e Zyrës Swisseuroconsult Office, zotin Nazifi Haki.
Grupi izraelit prezantoi tek Kryeministri Berisha disa projekt-ide për investime në industrinë farmaceutike, ushqimore dhe në tekstile.
Në projektet e tyre përfshihen edhe studime për ndërtimin e qëndrave spitalore,aeroporte, porte dhe hotele.
Kryeministri Berisha i falenderoi investitorët izraelitë për interesin e shprehur për të investuar në Shqipëri dhe i garantoi se pas prezantimit të projekteve, administrata e tij do të mbështësë përshpejtimin e procedurave për zbatimin e tyre në terren.