Kudrin:Putin, gati për dialog

Ish-ministri rus i Financave, Alexei Kudrin ka deklaruar se kryeministri Vladimir Putin është i gatshëm për dialog me opozitën dhe që zgjedhjet presidenciale të vitit të ardhshëm të jenë tërësisht të ndershme.

Duke iu përgjigjur valës së kontestimeve ndaj lidershipit aktual rus, kudrin ka bërë të ditur se është takuar me Putin para se të merrte pjesë në manifestimin e madh të së shtunës dhe se ai i kishte shprehur gatishmërinë e tij.

Dhjetëra mijëra persona u mblodhën në qendër të Moskës fundjavën e kaluar për të shprehur inatin e tyre ndaj mashtrimeve të bëra në zgjedhjet e fundit parlamentare në Rusi.

Protestuesit thanë se zgjedhjet parlamentare të katër dhjetorit, që u fituan nga partia e kryeministrit Putin, ishin të manipuluara, akuza këto që mohoen nga qeveria.