Kundërofensiva/ Rusia dhe Ukraina pësojnë humbje të mëdha në frontin e luftës

Luftimet e ashpra janë duke u zhvilluar në vijën e parë të frontit të luftës së Rusisë kundër Ukrainës, ku raportohet se të dyja palët kanë pasur humbje të mëdha ndërsa kundërofensiva e Kievit marshon përpara.

Sipas inteligjencës britanike, luftimet më intensive janë përqendruar në provincën juglindore e Zaporizhias, rreth qytetit Bakhmut dhe më tej në perëndim në provincën lindore të Donetsk të Ukrainës

Serhiy Bratchuk, zëdhënës i qeverisë rajonale në provincën jugperëndimore të Odesa-s, tha se forcat ukrainase shkatërruan një depo municionesh shumë strategjike pranë qytetit portual të pushtuar nga Rusia.

Analistët perëndimorë dhe zyrtarët ushtarakë kanë paralajmëruar se kundërofensiva e Ukrainës për të zhvendosur forcat ruse nga zonat e pushtuara përgjatë vijës së frontit 1000 km mund të zgjasë për një kohë të gjatë.

Një zyrtar i instaluar nga Rusia tha se trupat ukrainase rimorën Piatykhatkyn, një fshat në rajonin jugor të Zaporizhias, dhe po vendosen atje, ndërsa ishin nën zjarr nga artileria ruse.

“Ofensivat ‘si valë’ të armikut dhanë rezultate, pavarësisht humbjeve të mëdha”, tha zyrtari, Vladimir Rogov, në aplikacionin e mesazheve Telegram.

Ministria ruse e mbrojtjes nuk e përmendi Piatykhatkyn në përditësimin e saj në të cilin tha se forcat e saj kishin zmbrapsur sulmet ukrainase në tre seksione të vijës së frontit.

Ushtria ukrainase tha të dielën se gjatë 24 orëve të mëparshme, Rusia kreu 43 sulme ajrore, katër sulme me raketa dhe 51 raketa të lëshuara.

Sipas deklaratës së saj, Rusia vazhdon të përqendrojë përpjekjet në operacionet sulmuese në lindje të Ukrainës, duke i fokusuar sulmet rreth Bakhmut, Avdiivkas, Marinkas dhe Lymanit në provincën Donetsk, me 26 beteja ushtarake

Presidenti i Ukrainës Volodymyr Zelenskyy vlerësoi të dielën forcat ukrainase kanë rezultuar efektive në zmbrapsjen e sulmeve të armikut pranë Avdiivkas.

Presidenti rus Vladimir Putin, i cili rrallë komenton rrjedhën e luftës, tha se forcat e Kievit nuk kishin asnjë shans pavarësisht se ishin pajisur rishtazi me tanket e dërguar nga Perëndimi, transmeton Al Jazeera. 

Komentet e Putinit dukej se synonin të qetësonin rusët në një moment vendimtar, gati 16 muaj pas konfliktit, pasi Ukraina kërkon të thyejë muajt e fundit sulmet armike dhe të rimarrë 18 për qind të territorit të saj që mbetet nën kontrollin rus.

/rtsh.al/