Kupa e Botës 2026, Shqipëria njeh nesër kundërshtarët e saj

TIRANË, 12 dhjetor /ATSH/ Shqipëria do të njohë nesër kundërshtarët e kualifikueseve të Kupës së Botës 2026. Shorti do të hidhet në selinë qendrore të FIFA-s në Zyrih nesër në ora 12:00.

Presidenti i FSHF-së, Armand Duka dhe trajneri i ekipit kombëtar, Silvinjo do të ndjekin nga afër shortin e Botërorit dhe më pas do të ndajnë edhe përshtypjet e tyre përmes kanaleve sociale të FSHF-së.

Kombëtarja shqiptare është pjesë e vazos së tretë. Ndërkaq, vazot e tjera janë të ndara si më poshtë:

Vazo 1: Franca, Spanja, Anglia, Portugalia, Holanda, Belgjika, Italia, Gjermania, Kroacia
Zvicra, Danimarka, Austria.

Vazo 2: Ukraina, Suedi, Turqi, Uells, Hungari, Serbi, Poloni, Rumani, Greqi, Sllovaki, Ҫeki, Norvegji.

Vazo 3: Skocia, Sllovenia, Irlanda, Shqipëria, Maqedonia e Veriut, Gjeorgjia, Finlanda, Islanda, Irlanda e Veriut, Mali i Zi, Bosnja dhe Hercegovina, Izraeli.

Vazo 4: Bullgari, Luksemburg, Bjellorusi, Kosova, Armenia, Kazakistani, Azerbajxhani
Estonia, Qipro, Ishujt Faroe, Letoni, Lituania.

Vazo 5: Moldavia, Malta, Andorra, Gjibraltari, Lihtenshtajn, San Marino.

Kualifikueset evropiane për Kupën e Botës 2026 janë planifikuar të fillojnë në mars 2025 dhe të përfundojnë së bashku me fazën “play-off” në mars 2026.

Ekipet që janë renditur të parat në grupet e Nations League dhe vendet e dyta dhe të treta që luajnë për t’u ngjitur/zbritur nga ligat e NL do të jenë në grupe me katër ekipe dhe do të jenë pjesë e grupeve A-F.

/a.f/r.e/