Kushtetuesja vendos për komisionet hetimore, rrëzon “McGonigal” dhe pranon “zgjedhjet”

Gjykata Kushtetuese ka dhënë vendimin e saj lidhur me kërkesat e paraqitura nga Partia Demokratike për ngritjen e komisioneve hetimore parlamentare.

Me shumicë votash, Kushtetuesja ka rrëzuar kërkesën e opozitës për ngritjen e një komisioni hetimor që do të shqyrtonte çështjen “McGonigal”.

Nga ana tjetër, gjykata ka pranuar kërkesën për ngritjen e një komisioni hetimor parlamentar lidhur me zgjedhjet.

Vendimi i Gjykatës Kushtetuese i hap rrugë procedurave për ngritjen e komisionit hetimor për proceset zgjedhore, ndërsa mbyll debatin juridik mbi kërkesën e Partisë Demokratike për hetimin parlamentar të çështjes “McGonigal”.