Kuvendi i Kosovës nuk bën dot as 40 firma kundër Jabllanoviç

Shefja e Grupit parlamentar të AAK-së, Donika Kadaj Bujupi ka thënë se qeveria po u bën presion deputetëve të koalicionit që mos ta nënshkruajnë mocionin për seancën.

Partitë opozitare nuk kanë arritur të mbledhin numrin e nevojshëm të nënshkrimeve për të thirrur seancë të jashtëzakonshme ku do të diskutohej për shkarkimin e ministrit për Kthim dhe Komunitete, Aleksandër Jabllanoviç.

Kjo për faktin se kjo nismë e opozitës nuk ka gjetur përkrahjen e partive në pozitë. Deri më tani, janë mbledhur vetëm 36 nënshkrime ndërsa për ta thirrur seancën e jashtëzakonshme nevojiten 40 nënshkrime.

Shefja e Grupit parlamentar të AAK-së, Donika Kadaj Bujupi ka thënë se qeveria po u bën presion. “Qeveria përmes deputetëve të koalicionit në Kuvend nuk e lejoi mbajtjen e seancës duke i bërë presion deputetëve që të mos i vënë firmat e tyre ne këtë nismë. Kemi 36 nënshkrime dhe ka edhe te pozitës”, ka thënë ajo.

“Deklaratat e Qeverise se është në favor të dialogut në Kuvend janë ne kundërshtim me veprimet e tyre sepse ata me te gjitha forcat po parandalojnë çfarëdo debati ne Kuvend”, ka shtuar Kadaj-Bujupi.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu