LSI: PS të bashkëpunojë për të ardhmen

Lëvizja Socialiste për Integrim ripërsëriti paraditen e sotme ftesën e saj për bashkëpunim drejtuar Partisë Socialiste.
Në një konference shtypi, sekretari i Marrëdhënieve me Publikun pranë LSI-së, Ardit çela, deklaroi në mënyrë të përsëritur se "PS duhet ta kuptojë se llogoret e mbyllura dhe qëndrimet personale nuk i shërbejnë të tashmes dhe të ardhmes së vendit".

Gjithashtu, ndër të tjerash, në qëndrimet e sotme të LSI-së, çela shprehu besimin dhe njëherazi uroi që "lidershipi i opozitës ti kthehet rrugës së arsyes dhe të heqë dorë nga politika e vjetër e konflikteve artificiale e të paqëna, duke i shtrënguar dorën e shtrirë maxhorancës për të bashkëpunuar në reformat e rëndësishme në të mirë të vendit".