Lehtesohet situata financiare e Greqise

Situata e renduar financiare e Greqise u lehtesua disi ndersa qeveria mori sot kestin e pare te kredise se re dhe nxori ne shitje bono te reja thesari duke terhequr investitoret. Zyrtaret greke thane sot se qeveria mori 10 miliarde dollare nga vendet evropiane dhe Fondi Monetar Nderkombetar.

Kesti e shpetoi Greqine nga falimentimi. Shumica e fondeve do te perdoren per te paguar bankat qendrore te 17 vendeve te Eurozones qe kane blere bono greke te thesarit. Nderkohe Greqia shiti sot bonot e reja te thesarit per here te pare qe pas arritjes se marreveshjes per 171 miliarde dollaret e ndihmave dhe faljen e 141 miliarde dollareve nga borxhi qe u kishte kreditoreve private.

Ketu ne Washington Sekretari i Thesarit Timothy Geithner tha se Evropa ka bere perparim shume te madh ne zgjidhjen e krizes dy vjecare te borxheve qeveritare qe ishte perqendruar tek problemet e thella financiare te Greqise.  Megjithate zyrtari amerikan theksoi se Eurozona eshte vetem ne hapat e pare te vendosjes se nje kontrolli me te forte mbi shpenzimet dhe se rritja ekonomike e kontinetit do te jete e dobet per disa kohe.