Leskaj: Reformat nuk duhet dhe nuk mund te jene spontane
Ergys GJENCAJ
Kryetarja e grupit parlamentar te Partise Socialiste, Valentina Leskaj, thekson se reformat nuk mund dhe nuk duhet te jene kurrsesi spontane. Menjehere pas perfundimit te mbledhjes se Konferences se Kryetareve, numri nje i ligjvenesve socialiste, Valentina Leskaj, ka deklaruar se, per te kryer reformen ne drejtesi nevojitet nje program i vertete pune. Ajo tha se forca politike qe perfaqeson, ka qene gjithnje konstante ne qendrimet e saj per sa i perket reformes ne drejtesi dhe nevojes se kryerjes se saj. "Angazhimi yne per te vajtur ne Komisionin parlamentar te Ligjeve eshte pjese e konstantes dhe e qendrimeve qe ne kemi shprehur per reformen ne drejtesi, e cila se bashku me reformen zgjedhore kondicionojne marrjen e fteses per anetaresimin e Shqiperise ne NATO", deklaroi per mediat kryetarja e grupit parlamentar socialist. Ajo beri me dije se gjate mbledhjes me homologet e forcave te tjera politike, pjese e Parlamentit, eshte rene dakord qe Komisioni parlamentar i Ligjeve te nise menjehere nga puna me projektligjin "Per organizimin e pushtetit gjyqesor". Por Leskaj nenvizoi se vetem diskutimi apo miratimi i kesaj nisme ligjore nuk eshte e gjithe reforma. Duke mbeshtetur tezen e kryerjes se nje reforme te vertete dhe thelbesore ne sistemin e drejtesise shqiptare, Leskaj tha se reforma ne drejtesi eshte shume me komplekse dhe i eshte kerkuar mazhorances qe te paraqese nje program dhe disa modalitete per sa i perket reformes ne drejtesi. "Kompleksiteti i kesaj reforme mund te perfshije disa institucione te rendesishme: Prokurorine, KLD-ne dhe sektore te tjere te sistemit te drejtesise", deklaroi ajo. Duke iu referuar projektligjit "Per organizimin e pushtetit gjyqesor", numri nje i ligjvenesve socialiste tha se kjo nisme gjendet ne Komisionin parlamentar te Ligjeve prej shume kohesh, per te cilen perfaqesuesit e PS-se jane shprehur kritike. Ajo beri me dije se grupi i eksperteve ne Partine Socialiste eshte duke punuar nderkohe, per te paraqitur opsionet e ketij formacioni politik. "Reformat nuk duhet dhe nuk mund te jene spontane. Keshtu, ne i kerkojme shumices te paraqese nga ana e saj nje pakete per keto reforma, pakete e cila duhet te jete objekt i diskutimit dhe i konsensusit te paleve", theksoi Leskaj. Ndersa kryetari i grupit parlamentar te Partise Demokratike, Astrit Patozi, deklaroi se mazhoranca ka nje projekt te plote per reformen ne drejtesi dhe do te operoje ne bashkepunim te ngushte me te gjithe aktoret politike, qe kjo reforme te implementohet sa me shpejt. "Ky do te ishte nje hap shume pozitiv per konkretizimin e angazhimeve te perbashketa, qe mazhoranca tashme i ka bere publike", tha ai. Qendrimet e perfaqesuesve te te dy grupeve me te medhenj parlamentare u bene menjehere pas mbledhjes se Konferences se Kryetareve. Ne kete mbledhje eshte rene dakord qe komisionet parlamentare te nisin nga puna, ku do te diskutohet reforma ne drejtesi. Keshtu, paraditen e se enjtes, Komisioni parlamentar i Ceshtjeve Ligjore do te nise punen per reformen ne drejtesi. Gjithashtu, u vendos edhe mbledhja e Komisionit parlamentar te Politikes se Jashtme, per te diskutuar mbi draftrezoluten e paraqitur nga Partia Socialiste, lidhur me anetaresimin e Shqiperise ne NATO.