Bien dakord
Reforma ne drejtesi uli ne tryeze PS-ne dhe PD-ne. Pas ofertes konkrete te PS-se per bashkepunim ne te mire te anetaresimit ne NATO, palet rane dakord qe te mos humbet me kohe dhe qe t'ia nisin punes ne Komisionin e Ligjeve
Ergys GJENCAJ
Zyrtare te larte te Partise Demokratike dhe asaj Socialiste kane zhvilluar nje takim te vecante, informal, larg syve dhe vemendjes se mediave. Perfaqesuesit politike, ne nivel drejtuesish te grupeve kuvendare dhe te Komisionit te Ligjeve, eksperte te jurisprudences diskutuan ne njeren nga dhomat e nderteses se Kryesise se Kuvendit, ne lidhje me nisjen sa me shpejt te reformes ne sistemin e drejtesise. Kryetari i grupit parlamentar demokrat, Astrit Patozi, drejtuesja e deputeteve socialiste ne Kuvend, Valentina Leskaj dhe drejtuesit e Komisionit parlamentar te Ceshtjeve Ligjore, kryetari demokrat Fatos Beja dhe nenkryetari socialist Fatmir Xhafaj, gjate kesaj bisede kane rene dakord per bashkepunim ne funksion te reformes ne drejtesi. Takimi ishte paraprire nga kerkesat e Partise Socialiste per fillimin pa humbur kohe te reformes ne drejtesi. Kujtojme kerkesen e kryetares se grupit parlamentar te PS-se, Valentina Leskaj, ne seancen plenare te vitit te kaluar. Gjate seances se 26 dhjetorit 2007, kryekuvendarja e socialisteve kerkoi nga te gjithe parlamentaret dhe ne menyre te vecante nga mazhoranca, nisjen e reformes ne drejtesi. Ajo kerkoi shprehje te vullnetit konkret te mazhoranes dhe kryeministrit Sali Berisha. Gjate kesaj seance, palet "token duart" per kete qellim. Dy jave pas kesaj seance, pikerisht dy dite me pare, kryesocialisti Edi Rama deklaroi mbeshtetjen pa kushte te forces politike qe drejton per reformen ne drejtesi, per te mundesuar marrjen e fteses per anetaresim ne NATO, ne samitin e Bukureshtit, qe zhvillohet pas tre muajsh. Takimi i dites se djeshme, i cili i parapriu mbledhjes se Konferences se Kryetareve, thirrur nga kryetarja e Kuvendit, Jozefina Topalli, solli si rezultat qendrimin e perbashket te perfaqesuesve te larte te dy partive kundershtare ne politike, per nisjen e reformes ne Komisionin parlamentar te Ceshtjeve Ligjore. Vete kryetari i grupit kuvendor demokrat, Astrit Patozi, pohoi per "Korrierin" rezultatin pozitiv te takimit. "Ishte nje takim mes kolegesh deputete. Folem per nisjen e reformes ne sistemin e drejtesise dhe u ra dakord qe diten e enjte (neser) ne oren 10.00, komisioneret e Ligjeve te mblidhen dhe te fillojne punen per kete reforme", deklaroi Patozi per "Korrierin". Takimi i katershes, perfaqesuesve politike, por edhe te fushes se ligjit, mesohet se eshte karakterizuar nga nje bisede me tone pozitive. Demokratet dhe socialistet kane shprehur vullnetin e tyre per bashkepunim ne funksion te reformes ne sistemin e drejtesise.