Lëvizja e papritur, qeveria italiane u vendos bankave 40% taksë mbi fitimet, bien aksionet
Italia ka miratuar një taksë prej 40% mbi fitimet që bankat fitojnë nga normat më të larta të interesit, një lëvizje tronditëse e cila është pasuar me rënien e aksioneve.
Një rritje zyrtare e normave të interesit rezultoi me fitime rekord për bankat italiane. Taksa do të zbatohet për të ardhurat neto nga interesi që vijnë nga hendeku midis normave të kredisë dhe depozitave të bankave.
“Të ardhurat do të përdoren për të ndihmuar regjistruesit e hipotekave, si dhe për të ulur taksat,“- thotë qeveria.
Për lëvizjen e papritur u ra dakord nga ministrat e kryeministres, Giorgia Meloni, në një takim të kabinetit të hënën vonë. Ata u zotuan të investojnë fondet e mbledhura për të ndihmuar familjet dhe bizneset që po përballen me kostot e huamarrjes.
“Mjafton të shikohen fitimet e bankave në gjysmën e parë të vitit për të kuptuar se nuk po flasim për disa milionë, por për miliarda”,- tha zëvendëskryeministri, Matteo Salvini, në një konferencë shtypi në Romë të hënën vonë.
Vendimi tregon se qeveria synon “të ndëshkojë sjelljen e padrejtë të bankave”, tha një burim për agjencinë e lajmeve Reuters,
Duke mbrojtur masën, Ministri i Jashtëm Antonio Tajani tha për gazetën Corriere della Sera se masa nuk ishte kundër bankave, “por një masë për të mbrojtur familjet” dhe ata që luftojnë për të paguar hipotekat.
Rreth 2 miliardë euro thuhet se do të gjenerohen nga taksa, e cila do të përdoret për të financuar mbështetjen për familjet e goditura nga normat e larta të interesit.
Parlamenti italian ka tani 60 ditë kohë për ta kthyer në ligj dekretin e taksave. Aksionet në dy bankat më të mëdha të vendit, Intesa Sanpaolo dhe UniCredit, ranë përkatësisht me 8% dhe 6.5% të martën në mëngjes pas njoftimit.
Aksionet në Banco BPM, banka e tretë më e madhe në vend, ranë me 8.2%, ndërsa aksionet bankare të bankës në pronësi shtetërore, Monte dei Paschi di Siena, u ulën me 7.4%. Banka të tjera duke përfshirë BPER Banca, Banca Generali dhe Mediobanca, gjithashtu pësuan rënie.
Vende të tjera evropiane, përfshirë Hungarinë dhe Spanjën, kanë vendosur taksa të ngjashme të papritura mbi bankat. Një taksë e papritur është një taksë e vendosur nga një qeveri ndaj kompanive që kanë përfituar nga diçka për të cilën nuk ishin përgjegjës të një fitimi të papritur. BBC
/rtsh.al/