Lienen: “Na duhen kompetentë si Skela”Për Skelën, 1860 Mynqen do të ishte ekipi i tij i nëntë në Gjermani
Rrjetet sociale:
Trajneri i skuadrës gjermane të Bundesligës 2, TSV 1860 Mynqen, Evald Lienen, vazhdon të tregojë një interesim të fortë ndaj Ervin Skelës, për momentin pa skuadër.
Kualitetet e shqiptarit njihen mirë nga tekniku i “luanëve” bavarezë, madje sipas asaj që shkruan faqja gjermane Spox.de, janë të domosdoshme për ekipin. “Ne kemi nevojë për lojtarë kompetentë në mesfushë”, - citohet Lienen.
Duke pasur Skelën në majën e listës së tij të dëshirave, trajneri Lienen do të jetë i ftuari “VIP” në ndeshjen miqësore midis Kombëtares së Shqipërisë dhe Grojther Furth, takim i programuar për neser (ora 14:00). Për Skelën, 1860 Mynqen do të ishte ekipi i tij i nëntë në Gjermani.
Numri i klikimeve - 3468
E Premte, 09 Tetor 2009