Ligji per Investimet e Huaja PS Klientelist diskriminon shqiptaret

Partia Socialiste ka reaguar serish sot per projektligjin per Mbrojtjen e Investimeve te Huaja duke e quajtur ate antikushtetues dhe qe shkel interesat e pronareve shqiptare.

Gjate nje reagimi per mediat deputeti socialist Damian Gjiknuri deklaroi se ligji diskriminon sipermarresit shqiptare te cilet sipas tij nuk do te jene ne gjendje te mbrojne pronat e tyre.

Ligji sanksionon shpronesim per interes privat dhe jo publik duke i hequr mundesine shtetasit shqiptar per te mbrojtur pronen e tij tha Gjiknuri.

Duke shprehur ne emer te PS-se shqetesimin e madh per kete iniciative te Berishes Gjiknuri tha se per kete projektligj nuk ka asnje model te ngjashem ne bote.

Projektligji per investimet e huaja perplasi deputetet e opozites me ata te mazhorances ne Komisionin e Ligjeve te cilet pas kundershtimit te prere te tij kane braktisur mbledhjen.

Mazhoranca ka kembengulur ne anet pozitive qe sjell projektligji kur vlera e investuar eshte mbi 10 milione euro dhe investohet ne energjitike turizem dhe bujqesi. Madje nese investitoret kane probleme pronesie del shteti garant duke i dhene tjeter prone.

Por ketu kane kundershtuar prere deputetet e PS-se. Deputeti Damian Gjiknuri ka kerkuar qe para miratimit te projektligjit te therriten grupet e interesit nderkohe qe ka theksuar se nje gje e tille do te demtoje rende pronaret.

Sipas tij ligji eshte nje skandal e ne kundershtim me Kushtetuten nderkohe qe le mundesi te hapur per korrupsion sepse ligjeron shpronesime per interesa private.