Lokali në Memaliaj përfshihet nga flakët/ Zjarri djeg edhe një banesë që ishte pranë

Një lokal në Memaliaj është përfshirë nga flakët mbrëmjen e sotme.

Policia njofton se në momentin që ka rënë zjarri, biznesi në pronësi të shtetasit me iniciale A.S ka qenë i mbyllur.

Por flakët janë përhapur më tej, duke djegur edhe një banesë që ndodhej pranë.

Si pasojë e kësaj, mësohet se ka vetëm dëme materiale dhe jo në njerëz.

Memaliaj/ Informacion paraprak

Rreth orës 21:43, në qytetin e Memaliaj, ka marrë flakë bar-lokali në pronësi të shtetasit A. S., banues në Memaliaj. Bar-lokali në momentin e përfshirjes nga flakët ka qenë i mbyllur. Gjithashtu, për shkak të flakëve është djegur pjesërisht banesa e shtetasit G. M., e cila ndodhet në afërsi të bar-lokalit.

Për pasojë ka vetëm dëme materiale.  Nuk ka njerëz të dëmtuar.