Londinezët nuk falin, fitojnë Totenham dhe Çelsi

Ka rezultuar me sukses debutimi i trajnerit Mourinjo në krye të Çelsit. Rikthimi i tij u ka sjellë fat bluve të Londrës, të cilët kanë fituar 2-0 përballë Hull Sitit. Edhe pse Lampard fillimisht ka humbur një 11-metërsh, skuadra nuk është stepur dhe më pas ka shënuar Oskar. Lampard shlyen gabimin, teksa shënon në minutën e 25-të, duke e mbyllur pjesën e parë dhe të gjithë takimin 2-0.
Ka fituar edhe skuadra tjetër e Londrës, Totenhami. Ekipit të Bejlit i ka mjaftuar vetëm një gol për të siguruar tri pikë në transfertën me Crystal Palace. Javën e parë në Premier Ligë do ta mbyllë ndeshja e së hënës, ajo mes Mançester Sitit dhe Njukasëllit, ku do të debutojë një tjetër trajner i ri, Pelegrini. (E.Ilnica/balkanweb)

Java 1 e Premier Ligës 

Dje
Liverpool - Stoke City                  1-0
Arsenal - Aston Villa                    1-3
Norwich – Everton                       2-2
Sunderland – Fulham                  0-1
West Brom – Southampton        0-1
West Ham – Cardiff                    2-0
Swansea - Manchester United   1-4

Sot
Crystal Palace – Tottenham       0-1 
Chelsea - Hull City                      2-0

Të hënën 
Manchester City – Newcastle        21:00