Luhet sot java e 25-të në Premier Ligën angleze

Premier Liga angleze do të luajë sot ndeshjet e vlefshme për javën e 25-të. Liverpuli i vendit të dytë do të luajë në transfertë me skuadrën e Portsmuthit. Liverpuli ndodhet në kuotën e 51 pikëve, dy më pak se Mançesteri i vendit të parë, por këta të fundit kanë një ndeshje më pak.

Çelsi do të presë në fushën e vet skuadrën e Hull Sitit. Skuadra e drejtuar nga Skolari vjen në këtë takim pas asaj humbjeje 0-2 me Liverpulin fundjavën e shkuar. Londinezët ndodhen mbrapa Mançesterit me 5 pikë.

Aston Vila e vendit të katërt do të luajë në transfertë me Blekburnin. Aston Vila ndodhet në të njëjtën kuotë pikësh me Çelsin, me nga 48.

Mançesteri i vendit të parë do të luajë nesër në transfertë me Uest Hemin në orën 16:00. Edhe skuadra e Arsenalit do të luajë nesër në transfertë me Totenhemin në orën 13:30.

Ndeshjet e javës së 25-të do t’i keni të shënuara poshtë së bashku me orarin e zhvillimit te tyre.

Sot

12:45 Manchester C. ? - ? Middlesbrough
15:00 Blackburn R. ? - ? Aston Villa
15:00 Chelsea ? - ? Hull C.
15:00 Everton ? - ? Bolton W.
15:00 Sunderland ? - ? Stoke C.
15:00 West Bromëich A. ? - ? Newcastle U.
15:00 Wigan Athletic ? - ? Fulham
17:30 Portsmouth ? - ? Liverpool

Të dielën

13:30 Tottenham H. ? - ? Arsenal
16:00 West Ham U. ? - ? Manchester U.