Luis Enrique nuk kritikon ekipin

Trajneri i Romës, Luis Enrique ka hedhur poshtë zhgënjimin e ekipit të tij pas disfatës prej 2-1 nga Milani në San Siro, duke thënë se ata nuk kanë mundur të luajnë më mirë.

“Nuk kemi pasur probleme, nuk ka nevojë që të kritikoj ekipin. Ishte ndeshje e mirë. Ne pjesën e dytë, Ibrahimovic ishte vendimtar, por ne luajtëm me mundësitë maksimale”.

“Mendoj se dy qendërmbrojtësit tanë luajtën mirë, ndërsa Ibra ishte i vështirë për t`u mbajtur. Unë nuk jam i kënaqur me paraqitjen ne pjesën e parë. Pas pushimit, ne luajtëm mirë. Goli erdhi kur ishim në dominim maksimal. Të mos harrojmë se luajtëm ndaj liderëve të Serie A”, është shprehur Enrique.