Lunacek: Serbia, jo në BE pa njohur Kosovën

Raportuesja për Kosovën në Parlamentin Evropian, Ulrike Lunacek ka deklaruar se Serbia nuk mund të anëtarësohet në BE pa njohur më parë pavarësinë e Kosovës dhe pa vendosur një bashkëpunim të mirë me autoritetet kosovare.

Lunacek ka theksuar se synimi i saj është integrimi në BE i të gjithë qytetarëve të Ballkanit perëndimor, por ka nënvizuar se ky proces mund të realizohet vetëm duke parë nga e ardhmja dhe jo nga e kaluara.

“Tek Serbia nuk shoh dëshirën për ta parë Kosovën të integruar. është përgjegjësi e Beogradit të informojë qytetarët se e ardhmja më e mirë është bashkëpunimi në kuadër të BE-së”, ka pohuar Lunacek.