MASH: Me 14 shtator tekstet do te jene gati

Me 14 shtator, diten e pare te shkolles per sistemin 9-vjeçar dhe ate te mesem, librat mesimore do te jene gati. Ky eshte premtimi me i fundit i dhene nga drejtori i kurrikulave dhe monitorim vleresimit te teksteve, Jovan Kristiqi.

“Besoj se kete jave problemi eshte i zgjidhur plotesisht dhe librat jane neper librarite. Ata duhet te shikojne nje here çfare lloj tekstesh do te perdorin ne shkollat ku i kane femijet e tyre. Ata i kane te afishuara keto tekste, ne çdo dere shkolle dhe pasi te marrin kete njoftim dhe per çmimin e tekstit qe te mos kete abuzime nga librashitesit, pasi te marrin dhe emrin e shtepise botuese”, shprehet drejtori Kristiqi.

Per sa i perket mungeses se teksteve me zgjedhje, Kristiqi pohon se edhe keto do te dalin ditet e para te shtatorit. “Per sa u perket teksteve me zgjedhje, keto funksionojne vetem per klasen e dhjete, qe do te dalin ne ditet e para te shtatorit. Kjo nuk e pengon absolutisht procesin mesimor, sepse se pari shkollat nuk kane bere regjistrimin e nxenesve te vitit te pare te klases se dhjete gjimnaz dhe nuk dihet se çfare lloj tekstesh do te zgjedhin dhe vete nxenesit”, tha Kristiqi.