Macron: Hamasi s’duhet të ketë asnjë rol në qeverisjes e Gazës pas luftës
Presidenti francez Emmanuel Macron deklaroi sot se grupi militant palestinez Hamas nuk duhet të ketë asnjë rol në qeverisjen e Rripit të Gazës pasi të mbarojë lufta e tij me Izraelin.
Macron është shprehur kundër çdo zhvendosjeje të palestinezëve, referuar edhe planit të rindërtimit të Gazës të miratuar nga Lidhja Arabe e cila kundërshton propozimin amerikan për të zhvendosur banorët nga Gaza për në vende të tjera.
Duke folur përkrah Presidentit Abdel Fattah al-Sisi në kryeqytetin egjiptian, Macron përshëndeti “punën e qeverisë së tij për këtë plan, i cili ofron një rrugë realiste për rindërtimin e Gazës dhe gjithashtu i hap rrugën për qeverisje të re palestineze”.
Presidenti francez tha se qeverisja e pas luftës së Gazës duhet të drejtohet nga Autoriteti Palestinez, i mbizotëruar nga Hamas-së partia rivale Fatah dhe me qendër në Bregun Perëndimor të okupuar nga Izraeli.
“Hamasi nuk duhet të ketë asnjë rol në këtë qeverisje dhe nuk duhet të përbëjë më kërcënim për Izraelin,” tha Macron.
Izraeli është zotuar të shkatërrojë Hamasin dhe ka refuzuar me forcë çdo rol të ardhshëm për grupin islamik në Rripin e Gazës pas sulmit të 7 tetor 2023 që solli edhe luftën, e cila ka hyrë në muajin e 19-të.
/rtsh.al/