Marrëveshje 2-vjeçare për Mbulimin Shëndetësor Universal, Manastirliu: Qëllimi, rritja e potencialit të kujdesit shëndetësor parësor

Ministrja e Shëndetësisë Ogerta Manastirliu ka qenë sot në Tel Aviv ku së bashku me Drejtorin Rajonal të OBSH për Europën, Hans Kluge kanë firmosur marrëveshjen 2-vjeçare të bashkëpunimit për të çuar përpara ndërhyrjet e përbashkëta për Mbulimin Shëndetësor Universal, Sigurinë Shëndetësore dhe Promovimin e Shëndetit dhe Mirëqenies. Marrëveshja e re përmban prioritete të qarta që kanë si qëllim rritjen e potencialit të kujdesit shëndetësor parësor.

“Firmosëm me dr. Hans Kluge, Drejtorin Rajonal të OBSH për Europën, marrëveshjen 2-vjeçare të bashkëpunimit për të çuar përpara ndërhyrjet e përbashkëta për Mbulimin Shëndetësor Universal; Sigurinë Shëndetësore; Promovimin e shëndetit dhe mirëqenies. Është një marrëveshje shumë e rëndësishme sepse vendos në zbatim të mëtejshëm të gjithë komponentët që ne i kemi përshkruar në Planin tonë të Veprimit të Strategjisë Kombëtare të Shëndetësisë ’20-’30”, tha Manastirliu.

/rtsh.al/