Mazniku: Rritje domethënëse e pagave të pushtetit vendor

TIRANË, 31 korrik/ATSH/ Ministri i Shtetit për Pushtetin Vendor, Arbjan Mazniku bëri të ditur sot se “në mbledhjen e Këshillit Konsultativ u miratua vendimi shumë i rëndësishëm për mbështetjen e pushtetit vendor për rritjen e pagave të punonjësve në mënyrë domethënëse”.

Mazniku theksoi se me këtë masë do të unifikohet niveli i pagave në të gjitha bashkitë e Shqipërisë, duke siguruar të njëjtën pagë për të njëjtat profesione në të gjitha bashkitë.

“Kjo masë e bën administratën vendore konkurruese në treg për të tërhequr profesionistët pranë stafeve të tyre, duke garantuar shërbime më të mira dhe cilësore për qytetarët tanë”, u shpreh ai.

1 nga 2

/m.m/